Uncategorized

حوار عادي!

“تعشيت… فيك النوم… وش تبي تأكل… وش تبي تشرب… متى بترجع… متى بتوديني… ”
هاذي مو مقتطفات من حوار بين ام و ولدها،  هذي مقتطفات من الحوار اليومي شبه الوحيد بين زوجة و زوجها صار لهم متزوجين أقل من سنه.

” ما كنا كذا أول ماتزوجنا… كنا نتكلم و نسولف في أمور واجد… كنت ألاحظ اختلاف ارائنا و حتى أشياء أساسية مثل الدين و العقيدة و امور المجتمع بس قلت كلها أمور بسيطة و مع الوقت اثنينا بنتغير”
سكتت الزوجة شوي و رفعت كوب القهوة و قربته من كفها بدون ماتشربه كنها محتاجه الدفء اللي فيه و كملت، :
“‘مادري ليش قبلت فيه! كنت اعتقد بأن زواجنا ممكن ينجح و كنت مصممة اني راح أسعى بكل قوة اني اخليه ينجح بس يد وحده ماتصفق. لمن اجي أكلمه يقولي حاضر و ان شاء الله بس المشكله انه مافيه مشكله. البرود و الملل اللي صار بحياتنا لايطاق. ماحد يصدق ان ماكملنا سنه. اللي يشوفنا يقول صار لهم 10 سنين متزوجين! تصدقين لو يغيب شهر ماوحشني! مادري وين المشكلة هي فيني ولا فيه ‘لا فينا احنا الاثنين”
و قبل ما تكمل خذت منديل و مسحت آثار الروج من كوب القهوة، و بعدين قالت:
” قلنا نسافر نغير نفسياتنا و لكن حتى في السفر كل واحد لاهي بجواله! كنه كل واحد فينا عايش عالم لحاله! أحس الأشياء اللي تجمعنا أشياء تافهه،  ميتة، مافيها حياة! اكل، ألوان، مطاعم، أغاني، مسلسلات…شلون بكرة لمن نجيب اولاد نتفق على مصيرهم،  على ميولهم، على تربيتهم و احنا بينا مو قادرين نتفاهم و نفتح قلوبنا لبعض… مو طايقين بعض.
قالوا لي انه هذي هي الحياة… و الحب يجي مع العشرة.. . صار لي أنتظر ولا جا، تتوقعين بيجي؟”

Advertisements

2 thoughts on “حوار عادي!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s