اليوم و أنا قاعده أتطمش على اللي رايح و اللي جاي في الطريق و كان شكلي كني قاعده أنتظر، مر علي رجال كبير بالسن ويا مرته إلا هو يقولي:” إنتي بعدك هنيه! لا تنتظرينه ترا مابيجي! يابنت الحلال قومي عندك خيارات أفضل! you already have better options ” ضحكني واجد الله يسعده مع اني ماعرفه ولا يعرفني.
كم واحد فينا يؤجل سعادته لحد مايكون مع أحد ما؟ كم واحد فينا في حالة انتظار؟ قلبه في حالة سفر دائم؟
استقرار القلب مو معناها وجودك مع ذاك الشخص القريب منك. استقرار القلب يعني سعادتك بنفسك. مع نفسك. من نفسك.
مافيه شي يثقل القلب زي اعتماده على غيرك عشان يسعد. مافيه شي يجيب القلق أكثر من حالة الانتظار.
إنتبه لقلبك فإن لقلبك عليك حقا.
Advertisements
